കെ.പി ജലീൽ
പാലക്കാട്: ആദ്യഘട്ടത്തിൽ ബി.ജെ.പി യാ ണ് മുഖ്യ ശത്രു എന്ന അടവ് മാറ്റി സി.പി.എം . യു.ഡി.എഫുമായാണ് മത്സരമെന്ന് വരുത്തി രഹസ്യമായി ബി.ജെ.പിയെ സഹായിക്കാൻ ഇടതുമുന്നണി ധാരണ .പാലക്കാട് നിയമസഭാ ഉപതിരഞ്ഞെടുപ്പിൽ ഐക്യ ജനാധിപത്യമുന്നണിയുടെ സ്ഥാനാർത്ഥി യൂത്ത് കോൺഗ്രസ് സംസ്ഥാന അധ്യക്ഷൻ രാഹുൽ മാങ്കൂട്ടത്തിലിന്റെ പ്രചാരണം ഇത്തവണയും യുഡിഎഫിന് മണ്ഡലത്തിൽ വൻ പ്രതീക്ഷയുയർത്തുന്നു. ഇടതുമുന്നണിക്ക് സ്വന്തമായി പാർട്ടി സ്ഥാനാർത്ഥിയോ ചിഹ്നമോ ഇല്ലാത്തതാണ് അവരുടെ അണികളെ മുഖ്യമായും അലട്ടുന്നത്. കോൺഗ്രസിൽ നിന്ന് ഇലക്ഷന് തൊട്ടുമുമ്പ് കാലുമാറിയ ഡോ. പി സരിനാണ് അവരുടെ ഏക ആശ്രയം.
ടി ശിവദാസ മേനോനെ പോലെ പാർട്ടിയുടെ പ്രമുഖരെ വിജയിപ്പിച്ച മണ്ഡലത്തിൽ ഒരു പാർട്ടിക്കാരനെ പോലും മത്സരിക്കാൻ കിട്ടിയില്ല എന്നതാണ് ഇടതുമുന്നണിയെ ആകെ അലട്ടുന്നത് .ടി നൗഷാദ് ,കെ കെ ദിവാകരൻ തുടങ്ങിയവരും ഈ മണ്ഡലത്തിൽ നിന്ന് സിപിഎം ചിഹ്നമായ അരിവാൾ ചുറ്റിക നക്ഷത്രത്തിൽ വിജയിച്ചിരുന്നതാണ്. എന്നാൽ 2016ൽ മൂന്നുതവണ ലോക്സഭ സംസ്ഥാന നേതാവ് എൻ. എൻ. കൃഷ്ണദാസ് മൂന്നാം സ്ഥാനത്തേക്ക് പിന്തള്ളപ്പെട്ടതോടെ സിപിഎമ്മിന്റെ പാലക്കാട് അപചയം ആരംഭിക്കുകയായിരുന്നു. 2021 ലും പാർട്ടിക്കും മുന്നണിക്കും മൂന്നാം സ്ഥാനത്ത് തന്നെ തുടരേണ്ടി വന്നു. ഈ സമയം ഷാഫി പറമ്പിൽ എംഎൽഎയായി മൂന്ന് തവണ വിജയിക്കുകയും ചെയ്തു.
ശോഭാസുരേന്ദ്രൻ ,ഇ.ശ്രീധരൻ എന്നിവർ പാലക്കാട് ബിജെപിക്ക് വേണ്ടി താമര ചിഹ്നത്തിൽ വോട്ട് വർധിപ്പിച്ചപ്പോൾ സിപി എമ്മിന് മൂന്നാം സ്ഥാനത്തേക്ക് പോകേണ്ടി വരികയായിരുന്നു. ഏതുവിധേനയും ഈ നാണക്കേടിൽ നിന്ന് രക്ഷപ്പെടാനാണ് സിപിഎം ഇത്തവണ കിണഞ്ഞു പരിശ്രമിക്കുന്നത് .തോൽവി ഉറപ്പായതോടെ പാർട്ടിക്കും ഭരണകൂടത്തിനും വലിയ അവമതിപ്പ് ഉണ്ടാക്കാതെ നോക്കാനാണ് സിപിഎം നേതൃത്വം ഇപ്പോൾ ശ്രമിക്കുന്നത്. 3859 വോട്ടിനാണ് രണ്ടാം സ്ഥാനത്തുള്ള ഈ ശ്രീധരനോട് ഷാഫി പറമ്പിൽ 221ൽ വിജയിച്ചത് .2016 ൽ 17483 വോട്ട് ഭൂരിപക്ഷം ലഭിച്ചിരുന്നു. 20024ലെ ലോക്സഭ തെരഞ്ഞെടുപ്പിൽ പതിനായിരത്തോളം ആണ് യുഡിഎഫിന്റെ ഇവിടുത്തെ ഭൂരിപക്ഷം. ഇത് ഇത്തവണ ആവർത്തിക്കാൻ കഴിയുമെന്നാണ് രാഹുൽ മാങ്കൂട്ടത്തിലൂടെ യുഡിഎഫ് പ്രതീക്ഷിക്കുന്നത്. ചുരുങ്ങിയ ദിവസങ്ങൾ കൊണ്ട് തന്നെ പാലക്കാട് എല്ലാ മേഖലകളിലും രാഹുലിന് സുപരിചിതനാകാൻ കഴിഞ്ഞു. കണ്ണാടി, മാത്തൂർ ,പിരായിരി പഞ്ചായത്തുകൾ ആണ് പാലക്കാട് മണ്ഡലത്തിൽ ഉള്ളത്. പിന്നെ പാലക്കാട് നഗരസഭയും .ഇതിൽ ഒരു പഞ്ചായത്തിൽ മാത്രമാണ് നിലവിൽ ഇടതു മുന്നണി ഭരണം നടത്തുന്നത് – കണ്ണാടി. പാലക്കാട് നഗരസഭയിൽ ബിജെപിയാണ് ഭരിക്കുന്നത് .പിരായിരിലും മാത്തൂരും യുഡിഎഫിനാണ് ഭരണം .കാർഷിക മേഖലയായ കണ്ണാടിയിലും മാത്തൂരിലും നെൽക്കർഷകർ നേരിടുന്ന പ്രശ്നങ്ങൾ ഇത്തവണ സിപിഎമ്മിനെതിരെ തിരിയും. സിപിഎം ജില്ലാ സെക്രട്ടറിയുടെ ഏകാധിപത്യത്തിനെതിരെ വലിയ പ്രതിഷേധമാണ് പാർട്ടിക്കകത്ത് നിന്ന് തന്നെ ഉയർന്നിരിക്കുന്നത്. അദ്ദേഹത്തിൻ്റെ തട്ടകമായ ചിറ്റൂർ മേഖലയിൽ സുരേഷ് ബാബുവിന്റെ ജില്ലാസെക്രട്ടറിക്കെതിരെ വലിയ വിമതനീക്കമാണ് ഉണ്ടായിരിക്കുന്നത്. 600 ഓളം പേർ പങ്കെടുത്ത വിമതകൺവെൻഷൻ ഇന്ന് വലിയ വാർത്തയായിട്ടുണ്ട്.
സരിനെ പോലെ കോൺഗ്രസിലെ കാലുമാറ്റക്കാരെ പാർട്ടി എന്തുകൊണ്ട് സ്വീകരിച്ചു എന്ന് അണികൾക്ക് ഇപ്പോഴും മനസ്സിലായിട്ടില്ല. അവരുടെ വോട്ടുകൾ ബിജെപിക്ക് മറിഞ്ഞാൽ യുഡിഎഫ് തോൽക്കും എന്നാണ് ഇപ്പോൾ സിപിഎം നേതൃത്വം ആശിക്കുന്നത് .അതിലൂടെ യുഡിഎഫിനെ മുട്ടുകുത്തിക്കാമെന്ന് അവർ കരുതുന്നു. വൻതോതിൽ ജാതിവോട്ടുകൾ ഇടതുമുന്നണിയിൽ നിന്ന് ബിജെപിക്ക് പോയാൽ എളുപ്പത്തിൽ രണ്ടാം സ്ഥാനത്തുള്ള ബി.ജെ.പി യുടെ സി.കൃഷ്ണകുമാറിന് വിജയിക്കാനാവും .ഇതാണ് ബിജെപിയും സിപിഎമ്മും ആയി എത്തിയിരിക്കുന്ന വിലയിരുത്തൽ. സംസ്ഥാനത്ത് രണ്ടാമതായി ഒരിക്കൽ കൂടി ബിജെപിക്ക് അക്കൗണ്ട് തുറക്കാനും ആകും .
തൃശ്ശൂരിൽ പൂരം അലങ്കോലപ്പെടുത്തി നടത്തിയ കുടുലനീക്കം പാലക്കാട്ടും പയറ്റാം എന്നാണ് സിപിഎം വിശ്വസിക്കുന്നത്. ഏതായാലും പരാജയം തങ്ങളെ ബാധിക്കില്ലെന്ന് ആശ്വാസവും സിപിഎം നേതൃത്വത്തിനുണ്ട് .തോറ്റത് രണ്ട് കോൺഗ്രസ്സുകാർ ആണല്ലോ എന്ന് പറഞ്ഞു പിടിച്ചു നിൽക്കാനായിരിക്കും ഫലം പുറത്തുവന്ന ശേഷമുള്ള സിപിഎമ്മിന്റെ ശ്രമം.