റാവല്‍പിണ്ടി: റിബണ്‍ പല്ലു കൊണ്ട് കടിച്ചു പൊട്ടിച്ച് ഉദ്ഘാടനം ചെയ്യുന്ന പാകിസ്താന്‍ മന്ത്രിയുടെ വീഡിയോ സോഷ്യല്‍ മീഡിയയില്‍ വൈറലാവുന്നു. റാവല്‍പിണ്ടിയിലെ ഒരു ഇലക്ട്രോണിക്‌സ് ഷോപ്പ് ഉദ്ഘാടനം ചെയ്യുമ്പോഴായിരുന്നു സംഭവം.
ഷോപ്പ് ഉദ്ഘാടനം ചെയ്യാന്‍ പാക് ജയില്‍ മന്ത്രി ഫയാസുല്‍ ഹസന്‍ ചോഹനെയാണ് ക്ഷണിച്ചിരുന്നത്. ചോഹന് പക്ഷേ, കത്രിക കൊണ്ട് റിബണ്‍ മുറിക്കാന്‍ കഴിഞ്ഞില്ല. ഉദ്ഘാടനത്തിനെത്തിയവര്‍ ഇതുകണ്ട് ഉറക്കെ ചിരിച്ചു. അതോടെ മന്ത്രി പല്ല് കൊണ്ട് റിബണ്‍ കടിച്ചുപൊട്ടിക്കുകയായിരുന്നു.
21 സെക്കന്റ് ദൈര്‍ഘ്യമുള്ള ക്ലിപ്പ് മുര്‍താസ അലിഷാ എന്ന മാധ്യമപ്രവര്‍ത്തകനാണ് ട്വിറ്ററില്‍ പോസ്റ്റ് ചെയ്തത്. ഇതിനകം തന്നെ 50,000ത്തിലധികം ആളുകള്‍ വീഡിയോ കണ്ടു.
https://twitter.com/MurtazaViews/status/1433372993103740931