ഓണത്തിന് മുമ്പ് മുഴുവൻ നെല്ലിന്റെ തുകയും നൽകുമെന്ന സർക്കാർ ഉറപ്പ് ഉറപ്പ് നടപ്പായില്ല.സംസ്ഥാനത്ത് 27,791 കർഷകർക്കാണ് ഇനിയും നെല്ലിന്റെ വില കിട്ടാനുള്ളത്. സംഭരണ തുകയുടെ 28 ശതമാനം മാത്രമാണ് നിലവിൽ കർഷകർക്ക് ലഭിക്കുന്നത് . കേന്ദ്ര വിഹിതം ലഭിച്ചാൽ മാത്രമേ പണം നൽകാനാവൂ എന്നാണ് കൃഷിവകുപ്പ് ഉദ്യോഗസ്ഥർ പറയുന്നത്.കർഷകദിന പരിപാടികളിൽ മന്ത്രിമാരായ കെ കൃഷ്ണന്‍കുട്ടിയും എംബി രാജേഷും ഓണം എത്തുന്നതിന് മുമ്പ് തന്നെ നെൽ കർഷകർക്ക് നൽകാനുള്ള മുഴുവൻ തുകയും നൽകുമെന്ന് പറഞ്ഞിരുന്നു.മന്ത്രിമാരുടെ വാക്കും പഴയ ചാക്കും ഒരുപോലെയാണെന്നും ഇതിനെതിരെ ശക്തമായി പ്രതിഷേധിക്കാനാണ് തീരുമാനമെന്നും കർഷകർ അറിയിച്ചു.