സംസ്ഥാന സര്‍ക്കാരിനെ വിമര്‍ശിച്ച നടന്‍ ജയസൂര്യയ്ക്ക് മറുപടിയുമായി കൃഷിമന്ത്രി പി പ്രസാദ്. ജയസൂര്യ നല്ല നടനാണ്. എന്നാല്‍ ജനങ്ങള്‍ക്ക് മുന്നില്‍ അഭിനയിക്കരുതെന്നും മന്ത്രി പുതുപ്പള്ളിയില്‍ പറഞ്ഞു.കഴിഞ്ഞദിവസം മന്ത്രിമാരായ പി രാജീവനെയും പി പ്രസാദിനെയും വേദിയില്‍ ഇരുത്തി കളമശ്ശേരിയില്‍ ജയസൂര്യ വിമര്‍ശനമുന്നയിച്ചിരുന്നു.
ജയസൂര്യയുടെ ആരോപണത്തിന് പിന്നില്‍ രാഷ്ട്രീയ അജണ്ടയുണ്ടെന്നും ഇതിന് പിന്നില്‍ കൃത്യമായ തിരക്കഥയുണ്ട്.. ഇറങ്ങുന്നതിനു മുന്‍പേ പൊട്ടിപ്പോയ സിനിമയാണ് ജയസൂര്യയുടെ ആരോപണമെന്നും പി പ്രസാദ് പറഞ്ഞു.
അതേസമയം സംസ്ഥാന സര്‍ക്കാരിനെ വിമര്‍ശിച്ച ജയസൂര്യക്കെതിരെ ഇടതു കേന്ദ്രങ്ങളില്‍ നിന്ന് സൈബര്‍ ആക്രമണം തുടരുന്നുണ്ട്.