ന്യൂഡല്‍ഹി: കേരള ഹൗസില്‍ പ്രതിപക്ഷ യൂണിയന് വാര്‍ത്താസമ്മേളനത്തിനു അനുമതി നിഷേധിച്ച് സംസ്ഥാന സര്‍ക്കാര്‍.
കേരള എന്‍.ജി.ഒ അസോസിയേഷന്റെ സംസ്ഥാന നേതാക്കള്‍ നടത്താനിരുന്ന വാര്‍ത്താസമ്മേളനത്തിനാണ് അനുമതി നിഷേധിച്ചത്. രാഷ്ട്രീയ പാര്‍ട്ടികള്‍ക്കും ജീവനക്കാരുടെ സംഘടനകള്‍ക്കും കേരള ഹൗസിലെ കോണ്‍ഫറന്‍സ് ഹാള്‍ അനുവദിക്കേണ്ടതില്ലെന്ന സംസ്ഥാന പൊതുഭരണ വകുപ്പിന്റെ ഉത്തരവിന്റെ അടിസ്ഥാനത്തിലാണ് നടപടി.
രാഷ്ട്രീയ പാര്‍ട്ടികള്‍, തൊഴിലാളി സംഘടനകള്‍, ജീവനക്കാരുടെ യൂണിയന്, അസോസിയേഷനുകള്‍ എന്നിവക്ക് രാഷ്ട്രീയാവശ്യങ്ങള്‍ക്കോ തെരഞ്ഞെടുപ്പുകള്‍ക്കോ കോണ്‍ഫറന്‍സ് ഹാള്‍ അനുവദിക്കരുതെന്ന് ഉത്തരവില്‍ പറയുന്നു. ഇതേത്തുടര്‍ന്ന് പാര്‍ലമെന്റ് മാര്‍ച്ചിന് ഡല്‍ഹിയിലെത്തിയ യൂണിയന് നേതാക്കള്‍ കൊടുക്കുന്നില്‍ സുരേഷ് എം.പിയുടെ വീട്ടില്‍ വാര്‍ത്താസമ്മേളനം നടത്തി.
എതിരഭിപ്രായം പറയുന്നവരെ അടിച്ചമര്‍ത്തുകയാണെന്നും പട്ടാള മേധാവി ഭരിക്കും പോലെയാണ് മുഖ്യമന്ത്രി പിണറായി വിജയന്റെ നേതൃത്വത്തിലുള്ള ഇടതു ഭരണമെന്നും അസോസിയേഷന്‍ നേതാക്കള്‍ പറഞ്ഞു.