ജര്‍മ്മനിയില്‍ നിന്ന് ചികിത്സ കഴിഞ്ഞെത്തിയ ഉമ്മന്‍ ചാണ്ടിയെ ബംഗളുരുവില്‍ പോയി സന്ദര്‍ശിച്ച് പ്രതിപക്ഷ നേതാവ് വിഡി സതീശന്‍. ചികിത്സയ്ക്ക് ശേഷമുള്ള വിശ്രമത്തിലാണെന്ന് അദേഹം അറിയിച്ചു. കര്‍മ്മ മണ്ഡലത്തില്‍ വീണ്ടും സജീവമാകാന്‍ ആശംസിക്കുകയും ചെയ്തു. പ്രതിപക്ഷ നേതാവിന്റെ ഫേസ്ബുക്ക് പേജിലൂടെയാണ് സന്ദര്‍ശനം ചെയ്ത വാര്‍ത്ത അറിയിച്ചത്.
ഫേസ്ബുക്കിന്റെ പൂര്‍ണരൂപം.
പ്രിയപ്പെട്ട ഉമ്മന്‍ ചാണ്ടി സാറിനെ ബംഗളുരുവില്‍ സന്ദര്‍ശിച്ചു. ചികിത്സയ്ക്ക് ശേഷമുള്ള വിശ്രമത്തിലാണ് അദ്ദേഹം. പൂര്‍ണ ആരോഗ്യവാനായെത്തുന്ന ഉമ്മന്‍ ചാണ്ടി എത്രയും വേഗം കര്‍മ്മമണ്ഡലത്തില്‍ സജീവമാകും.