പ്രതിപക്ഷ പാർട്ടികളുടെ യോഗം നാളെയും മറ്റന്നാളുമായി ബംഗളൂരുവിൽ നടക്കും. ആം ആദ്മി പാർട്ടി അടക്കം 24 പാർട്ടികൾ യോഗത്തിൽ പങ്കെടുക്കും. കഴിഞ്ഞ യോഗത്തെ അപേക്ഷിച്ചു പുതിയതായി 8 ചെറുപാർട്ടികളെ കൂടി യോഗത്തിലേക്ക് ക്ഷണിച്ചിട്ടുണ്ട്.ഡൽഹി ഓർഡിനൻസിൽ പിന്തുണയ്ക്കാൻ കോൺഗ്രസ് തീരുമാനിച്ചതോടെയാണ് ആം ആദ്മി പാർട്ടിയും പങ്കെടുക്കുമെന്ന് ഉറപ്പായി.വിശാല പ്രതിപക്ഷ കൂട്ടായ്മയിലേക്ക് മുസ്‌ലിം ലീഗ്, കേരള കോൺഗ്രസ്, ആർഎസ്പി, ഫോർവേഡ് ബ്ളോക് എന്നീ പാർട്ടികളുമുണ്ടാകും.സോണിയ ഗാന്ധി യോഗത്തിൽ പങ്കെടുക്കുമെന്ന് കോൺഗ്രസ് വൃത്തങ്ങൾ പറഞ്ഞു.