ആഭ്യന്തര യുദ്ധം രൂക്ഷമായ സുഡാനിൽ നിന്ന് ഒഴിപ്പിച്ച ഇന്ത്യക്കാരുടെ ആദ്യ കപ്പൽ ജിദ്ദയിലെത്തി. ഇന്നലെ രാത്രി ജിദ്ധ തുറമുഖത്ത് എത്തിയ നാവിക സേനയുടെ കപ്പലിൽ 278 ഇന്ത്യക്കാർ ഉണ്ടെന്ന് വിദേശകാര്യ സഹമന്ത്രി വി.മുരളീധരൻ അറിയിച്ചു.16 മലയാളികൾക്ക് പുറമെ, തമിഴ്നാട്, ഉത്തർ പ്രദേശ്, ബിഹാർ സംസ്ഥാനങ്ങളിൽ നിന്നും ഉള്ളവരാണ് കപ്പലിലുള്ളത്.ജിദ്ദയിലെത്തിച്ചവരെ വ്യോമസേനാ വിമാനത്തിൽ ഇന്ത്യയിലേക്ക് കൊണ്ടുപോകും. ഇതിനായി വ്യോമസേനാ വിമാനങ്ങൾ ജിദ്ധയിൽ എത്തിയിട്ടുണ്ട്.3,000-ത്തോളം ഇന്ത്യക്കാർ സുഡാനിലുണ്ടെന്നാണ് കണക്ക്. ഘട്ടം ഘട്ടമായി ഇവരെ നാട്ടിലെത്തിക്കാനുള്ള ശ്രമങ്ങളാണ് ഓപ്പറേഷൻ കാവേരിയുടെ ഭാഗമായി നടക്കുന്നത്.