അരിക്കൊമ്പനെ മാറ്റുന്നത് പെരിയാർ ടൈഗർ റിസർവിലേക്കെന്ന് സൂചന; പൊലീസിന് നിർദ്ദേശം

മയക്കുവെടി വെച്ച് പിടികൂടുന്ന അരിക്കൊമ്പനെ പെരിയാർ ടൈഗർ റിസർവിലേക്കെ് മാറ്റുമെന്ന് സൂചന. പെരിയാർ കടുവ സങ്കേതത്തിലെ മുല്ലക്കുടിക്ക് അടുത്തുള്ള സീനിയർഓട എന്ന ഭാഗത്തേക്കായിരിക്കും മാറ്റുക എന്നാണറിയുന്നത് . ദൗത്യം ആദ്യഘട്ടം വിജയിച്ച സാഹചര്യത്തിൽ കരുതിയിരിക്കാൻ ഇടുക്കി പോലീസ് മേധാവി സേനക്ക് നിർദ്ദേശം നൽകി. ചിന്നക്കനാൽ മുതൽ കുമളി വരെയുള്ള വിവിധ പൊലീസ് സ്റ്റേഷനുകൾക്കാണ് നിർദ്ദേശം നൽകിയത്. ആവശ്യമെങ്കിൽ കൂടുതൽ പൊലീസുകാരെ വിന്യസിക്കും. ആനയെ കൊണ്ടുപോകുന്ന ഇടങ്ങളിൽ നിരോധനാജ്ഞ പ്രഖ്യാപിക്കാനും സാധ്യതയുണ്ട്.