തിരുവനന്തപുരം: അഖിലേന്ത്യാ തലത്തില്‍ നടത്തുന്ന നീറ്റ് പരീക്ഷയില്‍ 67 കുട്ടികള്‍ക്ക് 720ല്‍ 720 മാര്‍ക്കും ലഭിച്ചത് വിവാദമായിരിക്കെ പല കുട്ടികളുടേയും പ്ലസ് ടു ഫലങ്ങളുടെ മാര്‍ക്ക് വിവരവും പുറത്തുവന്നു.
പ്ലസ് ടു കഷ്ടിച്ച്‌ പാസായ കുട്ടികള്‍ പോലും കടുപ്പമാര്‍ന്ന നീറ്റ് പരീക്ഷയില്‍ 700 മാര്‍ക്കില്‍ കൂടുതല്‍ വാങ്ങിയതായുള്ള വിവരങ്ങള്‍ സോഷ്യല്‍ മീഡിയയില്‍ പ്രചരിക്കുകയാണ്.
കുറ്റമറ്റ രീതിയിലാണ് പരീക്ഷ നടത്തുന്നതെന്ന് നാഷണല്‍ ടെസ്റ്റിംഗ് ഏജന്‍സി പറയുന്നുണ്ടെങ്കിലും പരീക്ഷാഫലം അടിമുടി ദുരൂഹത നിറഞ്ഞതാണ്. വിഷയം സുപ്രീംകോടതിയുടെ പരിഗണനയിലാണുള്ളത്. നീറ്റ് പരീക്ഷയുടെ പവിത്രത നഷ്ടമായെന്ന കോടതിയുടെ അഭിപ്രായം ആരോപണങ്ങള്‍ ശരിവെക്കുന്നു.