തിരുവനന്തപുരം: സംസ്ഥാനത്ത് ഒരാള്ക്ക് കൂടി മങ്കിപോക്സ് സ്ഥിരീകരിച്ചു. യു.എ.ഇയില് നിന്നെത്തിയ 30കാരനായ മലപ്പുറം സ്വദേശിക്കാണ് രോഗം സ്ഥിരീകരിച്ചത്. ഇദ്ദേഹവുമായി അടുത്ത സമ്പര്ക്കത്തിലുള്ള മാതാപിതാക്കളെയും രണ്ട് സുഹൃത്തുക്കളെയും നിരീക്ഷണത്തിലാക്കിയതായി ആരോഗ്യമന്ത്രി വീണാജോര്ജ്ജ് പറഞ്ഞു.
സംസ്ഥാനത്ത് ഇതോടെ മങ്കിപോക്സ് സ്ഥിരീകരിച്ചവരുടെ എണ്ണം അഞ്ചായി. ആദ്യ രോഗിയെ കഴിഞ്ഞ ദിവസം ഡിസ്ചാര്ജ് ചെയ്തിരുന്നു.