ലോകം കണ്ട ഏറ്റവും വലിയ സോഷ്യലിസ്റ്റാണ് മഹാബലിയെന്ന് നടൻ മമ്മൂട്ടി അഭിപ്രായപ്പെട്ടു. സംസ്ഥാനത്തെ ഓണാഘോഷത്തിന് തുടക്കമിടുന്ന തൃപ്പൂണിത്തുറ അത്തച്ചമയ ഘോഷയാത്രയുടെ ഉദ്ഘാടന ചടങ്ങിൽ സംസാരിക്കുകയായിരുന്നു അദ്ദേഹം. എല്ലാ മനുഷ്യരെയും ഒരുപോലെ കാണണമെന്നാണ് അദ്ദേഹം പഠിപ്പിച്ചതെന്നും നമുക്ക് ഒരേ മനസ്സുള്ള മനുഷ്യരാകാമെന്നും മമ്മുട്ടി പറഞ്ഞു.ഈ ആഘോഷം ഒരു വലിയ സാഹിത്യ സംഗീത സംസ്കാരിക ആഘോഷമാക്കി മാറ്റാൻ സർക്കാർ മുൻകൈ എടുക്കണമെന്നും അദ്ദേഹം ആവശ്യപ്പെട്ടു.അത്തച്ചമയ ഘോഷയാത്രയുടെ ഫ്ലാഗ് ഓഫ് മമ്മൂട്ടി നിർവഹിച്ചു.അത്തച്ചമയ ഘോഷയാത്രയുടെ സമ്മേളനം മുഖ്യമന്ത്രി പിണറായി വിജയൻ ഉദ്ഘാടനം ചെയ്‌തു.