സംസ്ഥാനത്ത് ഒമിക്രോണ്‍ വ്യാപനത്തെ തുടര്‍ന്ന് നിയന്ത്രണങ്ങളുമായി സര്‍ക്കാര്‍. കല്യാണം, മരണാനന്തര ചടങ്ങുകള്‍, മറ്റു സാമൂഹ്യ രാഷ്ട്രീയ സാംസ്‌കാരിക, സാമുദായിക പൊതുപരിപാടികള്‍ തുടങ്ങിയവ അടച്ചിട്ട മുറികളില്‍ 75 പേര്‍ക്കും തുറസ്സായ സ്ഥലങ്ങളില്‍ 150 പേര്‍ക്കുമാണ് പങ്കെടുക്കാന്‍ അനുവാദമുള്ളു. മുഖ്യമന്ത്രിയുടെ അധ്യക്ഷതയില്‍ ചേര്‍ന്ന കോവിഡ് അവലോകന യോഗത്തിലാണ് തീരുമാനം എടുത്തത്.
അതേസമയം, രാത്രികാല നിയന്ത്രണം ഉണ്ടാകില്ല. എയര്‍പോര്‍ട്ടുകളില്‍ രോഗ ലക്ഷണമുള്ളവരുടെ പരിശോധന ശക്തിപ്പെടുത്തും. സംസ്ഥാനത്ത് നിലവില്‍ 181 ഒമിക്രോണ്‍ കേസുകളാണുള്ളത്. ഒമിക്രോണ്‍ വ്യാപനത്തെ തുടര്‍ന്ന് വീടുകളില്‍ കോവിഡ് ചികിത്സയില്ലുള്ളവര്‍ക്ക് ചികിത്സാ പ്രോട്ടോക്കോള്‍ ആരോഗ്യവകുപ്പ് ഉടന്‍ പുറത്തിറക്കും.