അമ്മത്തൊട്ടിലിലെത്തിയ 608-ാമത്തെ അതിഥിക്ക് ഒലീവ എന്ന് പേരിട്ടു. അഞ്ച് ദിവസം പ്രായമാണ് ഒലീവയ്ക്ക് ഉള്ളത്. തിരുവനന്തപുരത്ത് അമ്മത്തൊട്ടില്‍ പ്രവര്‍ത്തനം ആരംഭിച്ചത് 2002 നവംബറിലാണ്.
തിരുവോണ ദിവസം പത്തനംതിട്ട ജനറല്‍ ആശുപത്രിക്ക് സമീപമുള്ള അമ്മത്തൊട്ടിലില്‍ നിന്ന് നവജാത ശിശുവിനെ ലഭിച്ചിരുന്നു. പത്ത് ദിവസം പ്രായമുള്ള കുഞ്ഞിനെയാണ് ലഭിച്ചത്. സിതാര്‍ എന്നാണ് ആരോഗ്യമന്ത്രി വീണ ജോര്‍ജ് കുഞ്ഞിന് പേരു നല്‍കിയത്. 2009ല്‍ സ്ഥാപിതമായ പത്തനംതിട്ടയിലെ അമ്മത്തൊട്ടിലില്‍ ലഭിക്കുന്ന ഇരുപതാമത്തെ കുഞ്ഞായിരുന്നു സിതാര്‍.