ലോകത്തെ ജീവിച്ചിരിക്കുന്നവരില്‍ പ്രായംകൂടിയ വനിത മരണമടഞ്ഞു. ഫ്രാന്‍സിലെ കന്യാസ്ത്രീയാണ് 118 വയസ്സില്‍ അന്തരിച്ചത്. റാണ്ടന്‍ എന്നാണ് ഇവരുടെ ശരിയായ പേര്. കന്യാസ്ത്രീയായി സിസ്റ്റര്‍ ആന്‍േ്രദ എന്ന പേരാണ ്‌സ്വീകരിച്ചിരുന്നത്. ലോകമഹായുദ്ധത്തിന് മുമ്പ് 1904 ഫെബ്രുവരി 11നാണ് ഇവരുടെ ജനനമെന്നാണ് കണക്ക്. ഉറക്കത്തിനിടെയായിരുന്നു മരണമെന്ന് എഎഫ്പി വാര്‍ത്താഏജന്‍സി റിപ്പോര്‍ട്ട് ചെയ്തു.
ലളിതഭക്ഷണവും പ്രാര്‍ത്ഥനയും കൂട്ടുകെട്ടുമായിരുന്നു ഇവരുടെ പതിവെന്ന് അടുത്ത വൃത്തങ്ങള്‍ പറഞ്ഞു.
സ്‌പെയിനിലെ 115കാരിയാണ് ഇനി ജീവിച്ചിരിപ്പുളളവരില്‍ പ്രായംകൂടിയ വനിത -മരിയ ബ്രന്യാസ് മോറിയ. 113 കാരനായ വെനിസ്വേലക്കാരന്‍ ജുവാന്‍ വിന്‍സന്റ് ആണ് പുരുഷന്മാരിലെ മുതുമുതുത്തച്ഛന്‍.