തിരുവല്ലയില്‍ വീടിനുള്ളില്‍ കടന്ന് മോഷ്ടാവ് വീട്ടമ്മയെ അടിച്ചു വീഴ്ത്തി 10 പവന്‍ സ്വര്‍ണാഭരണങ്ങള്‍ കവര്‍ന്നു. മന്നംകരച്ചിറ ലക്ഷ്മി വിലാസത്തില്‍ ശാന്തി (57)യുടെ സ്വര്‍ണാഭാരണങ്ങളാണ് കവര്‍ന്നത്. ഇന്ന് പുലര്‍ച്ചെ നാലുമണിയോടെയായിരുന്നു സംഭവം. വീടിനുള്ളില്‍ ആള്‍പ്പെരുമാറ്റം ശ്രദ്ധയില്‍പ്പെട്ട് ഹാളിലെത്തിയ ശാന്തിയെ വീഴ്ത്തിയ ശേഷം കഴുത്തില്‍ കുത്തിപ്പിടിച്ച് 6 പവന്‍ തൂക്കം വരുന്ന മാലയും കൈകളിലെ രണ്ട് വളകളും കാതിലെ ഒരു കമ്മലും മോഷ്ടിച്ച ശേഷം കടന്നുകളയുകയായിരുന്നു. ഭര്‍ത്താവ് മരിച്ച ശാന്തി വീട്ടില്‍ തനിച്ചാണ് താമസം. സംഭവത്തിന് ശേഷം ശാന്തി ബന്ധുക്കളെ ഫോണില്‍ വിവരമറിയിച്ചു. ബന്ധുക്കളെത്തി പരിക്കേറ്റ ശാന്തിയെ തിരുവല്ല താലൂക്ക് ആശുപത്രിയില്‍ പ്രവേശിപ്പിച്ചു. സംഭവത്തില്‍ തിരുവല്ല പൊലീസ് കേസെടുത്ത് അന്വേഷണം തുടങ്ങി.
വീട്ടമ്മയെ ആക്രമിച്ച് 10 പവന്‍ കവര്‍ന്നു
Related Post