ഹരിയാന നിയമസഭാ തെരഞ്ഞെടുപ്പില്‍ മനോഹര്‍ ലാല്‍ ഖട്ടറിനെതിരെ മത്സരിച്ച ജെജെപി സ്ഥാനാര്‍ത്ഥി തേജ് ബഹാദൂര്‍ യാദവ് ബിജെപിയുമായി പാര്‍ട്ടി സഖ്യമുണ്ടാക്കിയതിനാല്‍ പാര്‍ട്ടിയില്‍ നിന്ന് രാജിവെച്ചു
ജവാന്‍മാര്‍ക്ക് മോശം ഭക്ഷണം നല്‍കിയതായി പരാതിപ്പെട്ടതിനെ തുടര്‍ന്ന് തേജ് ബഹാദൂര്‍ യാദവിനെ ബി.എസ്.എഫ് പുറത്താക്കിയിരുന്നു. നിയമസഭാ തെരഞ്ഞെടുപ്പിന് മുന്നോടിയാണ് ജനനായക് ജനതാ പാര്‍ട്ടിയില്‍ (ജെജെപി) ബഹാദൂര്‍ ചേര്‍ന്നത്.
കഴിഞ്ഞ ദിവസം ബിജെപിയുമായുള്ള സഖ്യം ജെജെപി പ്രഖ്യാപിച്ചതിനെത്തുടര്‍ന്നാണ് ബഹാദൂര്‍ തന്റെ തീരുമാനം അറിയിച്ചത്. സംസ്ഥാനം ബിജെപിയുടെ വാതില്‍ കാണിച്ചതിന് ശേഷം ദുഷ്യന്ത് ചൗതാല ഹരിയാനയിലെ ജനങ്ങളെ ഒറ്റിക്കൊടുത്തു. ചൗതാല മുന്നോട്ട് പോയി സംസ്ഥാനത്തെ ജനങ്ങള്‍ അധികാരത്തില്‍ നിന്ന് വലിച്ചെറിഞ്ഞ അതേ ബിജെപിയെ പിന്തുണച്ചു, ‘യാദവ് പറഞ്ഞു. ഹരിയാനയില്‍ ഒറ്റക്ക് ഭൂരിപക്ഷം നേടുന്നതില്‍ പരാജയപ്പെട്ട ബിജെപിക്ക് പിന്തുണ നല്‍കിയതില്‍ ജെജെപിയില്‍ തന്നെ കടുത്ത എതിര്‍പ്പ് ഉയര്‍ന്നിരുന്നു.