ഭുവനേശ്വര്‍: ഒഡീഷയിലെ അസ്‌ക എം.പിയും ബി.ജെ.ഡി നേതാവുമായ ലഡു കിഷോര്‍ സ്വെയിന്‍(71)അന്തരിച്ചു. ഒഡീഷയിലെ സ്വകാര്യ ആസ്പത്രിയിലായിരുന്നു അന്ത്യം.
വൃക്കസംബന്ധമായി അസുഖത്തെ തുടര്‍ന്ന് ചികിത്സയിലായിരുന്നു ലഡു കിഷോര്‍. രോഗം മൂര്‍ച്ഛിച്ചതിനെ തുടര്‍ന്ന് ചൊവ്വാഴ്ച് അദ്ദേഹത്തെ ഭുവനേശ്വറിലെ സ്വകാര്യ ആസ്പത്രിയില്‍ പ്രവേശിപ്പിച്ചിരുന്നു.
2014-ല്‍ അസ്‌കയില്‍ നിന്നുമാണ് അദ്ദേഹം ലോക്‌സഭയില്‍ എത്തിയത്. 2004-ല്‍ കബിസുര്യനഗറില്‍ നിന്നും എം.എല്‍.എയായും അദ്ദേഹം വിജയിച്ചിരുന്നു. 1947-ജൂലായില്‍ ഗന്‍ജാം ജില്ലയിലെ പത്താരയിലാണ് ലഡു കിഷോര്‍ ജനിച്ചത്.