പത്തനംതിട്ട: ഇ-സഞ്ജീവിനി പോര്‍ട്ടലില്‍ നഗ്നതാപ്രദര്ശനം നടത്തിയതായി പരാതി. കോന്നി മെഡിക്കല്‍ കോളജിലെ ഡോക്ടറാണ് പരാതി നല്‍കിയത്. ഇ-സഞ്ജീവിനി പോര്‍ട്ടലിലൂടെ ഡോക്ടര്‍ക്ക് നേരെ നഗ്നതാ പ്രദര്‍ശനം നടത്തിയെന്നാണ് പരാതി
ഇ സഞ്ജീവനി ടെലി മെഡിസിന്‍ സൈറ്റില്‍ ലോഗിന്‍ ചെയ്ത ശേഷം രോഗി മുഖം കാണിക്കാതെ സ്വകാര്യ ഭാഗങ്ങള്‍ കാണിക്കുകയായിരുന്നുവെന്നാണ് പരാതിയില്‍ പറയുന്നത്.
ഡോക്ടറുടെ പരാതിയില്‍ സൈബര്‍ പൊലീസ് കേസെടുത്തു. ലോഗിന്‍ ചെയ്യാന്‍ ഉപയോഗിച്ച മൊബൈല്‍ നമ്പര്‍ കേന്ദ്രീകരിച്ച് പ്രതിയെ കണ്ടെത്താന്‍ അന്വേഷണം ഊര്‍ജ്ജിതമാക്കി.