കണ്ണൂര്‍: ചെറുപുഴയില്‍ സ്വകാര്യബസില്‍ നഗ്നാതാപ്രദര്‍ശനം നടത്തിയ കേസില്‍ പ്രതി പൊലീസ് പിടിയില്‍. ചിറ്റാരിക്കല്‍ നല്ലോംപുഴ സ്വദേശി ബിനുവിനെയാണ് പൊലീസ് പിടികൂടിയത്. സംഭവത്തിന് ശേഷം ഒളിവില്‍ പോയ പ്രതിയെ ഇന്ന് പുലര്‍ച്ചെയാണ് കസ്റ്റഡിയിലെടുത്തത്.
ചെറുപുഴ- തളിപ്പറമ്പ് റൂട്ടിലൊടുന്ന ബസിലാണ് സംഭവം. ഈ സമയത്ത് ബസ് ചെറുപുഴ സ്റ്റാന്‍ഡില്‍ നിര്‍ത്തിയതായിരുന്നു. ബസില്‍ നിന്നും യാത്രാക്കാരി രഹസ്യമായി എടുത്ത വീഡിയോ സാമൂഹ്യമാധ്യമങ്ങളില്‍ വൈറലായതോടെ പൊലീസ് കേസെടുക്കുകയായിരുന്നു. മൂന്നുദിവസം നീണ്ട അന്വേഷണത്തിനൊടുവിലാണ് ഇയാളെ പിടികൂടിയത്.