വടകരയില്‍ എം.പി ഓഫിസ് തുറന്നു ഷാഫി പറമ്പില്‍. ജനങ്ങളുടെ മേലെ അധികാരം സ്ഥാപിക്കാനുള്ള ഓഫീസല്ല. ജനങ്ങള്‍ക്ക് അധികാരത്തോടെ എത്താനുള്ള ഓഫീസായിരിക്കുമിതെന്ന് ഷാഫി പറമ്പില്‍ പറഞ്ഞു. ജനങ്ങള്‍ക്ക് എന്നെ തിരുത്താനുള്ള അവകാശമുണ്ട് അത് പാലിക്കുമെന്നും അദ്ദേഹം പറഞ്ഞു.
വടകരയിലെ എം പി ഓഫീസ് ഉദ്ഘാടനം മുല്ലപ്പള്ളി രാമചന്ദ്രന്‍ ഉദ്ഘാടനം ചെയ്തു. താന്‍ ആദ്യമായി എം പിയായി ശേഷം പത്ത് വര്‍ഷക്കാലം ഈ ഓഫീസില്‍ നിന്നാണ് പ്രവര്‍ത്തിച്ചതെന്ന് മുല്ലപ്പള്ളി പറഞ്ഞു.എല്ലാ അര്‍ത്ഥത്തിലും വളരെ കാര്യക്ഷമതയോടെ പ്രവര്‍ത്തിച്ച ഒരു ഓഫീസായിരുന്നു ഈ ഓഫീസെന്നും തനിക്ക് മറ്റൊന്നിനെക്കുറിച്ചും ചിന്തിക്കേണ്ടി വന്നിട്ടില്ലെന്നും ഈ ഓഫീസില്‍ പ്രവര്‍ത്തിച്ച ഓഫീസിന്റെ ചുമതല ഉണ്ടായിരുന്നവരെല്ലാം തികഞ്ഞ ജാഗ്രതയോടാണ് പ്രവര്‍ത്തിച്ചതെന്നും അദ്ദേഹം പറഞ്ഞു.
തികഞ്ഞ ജാഗ്രതയോടാണ് പ്രവര്‍ത്തിച്ചത്. ഞാന്‍ അവരെയെല്ലാം നന്ദിയോടെ അനുസ്മരിക്കുന്നു. പ്രിയപ്പെട്ട ഷാഫിയോട് ഞാന്‍ എന്തെങ്കിലും പറയേണ്ടതായിട്ടുണ്ട് എന്ന് എനിക്ക് തോന്നുന്നില്ല. കാരണം ഷാഫി വടകര വന്നു, കണ്ടൂ, കീഴടക്കി എന്ന് മുല്ലപ്പള്ളി പറഞ്ഞു.