മഴക്കെടുതിയില്‍ ഉത്തരേന്ത്യ; ഹിമാചലില്‍ എട്ട് മരണം

മഴക്കെടുതിയില്‍ വലഞ്ഞ് ഉത്തരേന്ത്യ. ഹിമാചലില്‍ 8 മരണം റിപ്പോര്‍ട്ട് ചെയ്തു. ഡല്‍ഹി, ഹിമാചല്‍, പഞ്ചാബ്, രാജസ്ഥാന്‍, കാശ്മീര്‍ മേഖലകളില്‍ കനത്ത മഴ തുടരുകയാണ്. മണാലി- കുളു ദേശീയപാത തകര്‍ന്നു. മിക്ക റോഡുകളും അടച്ചു. മണാലിയില്‍ നിര്‍ത്തിയിട്ടിരുന്ന കാറുകള്‍ ഒലിച്ചുപോയി.

ലഡാക്കില്‍ കനത്ത മഴയും മഞ്ഞുവീഴ്ചയും തുടരുകയാണ്. ലഡാക്കില്‍ റെഡ് അലര്‍ട്ട് പ്രഖ്യാപിച്ചിരിക്കുകയാണ്. അതേസമയം, ഡല്‍ഹിയില്‍ നാലുപതിറ്റാണ്ടിനിടയിലെ ഏറ്റവും വലിയ മഴയാണ് പെയ്തിറങ്ങിയത്. വിഐപി മേഖലയായ ലോധി എസ്റ്റേറ്റിലും വെള്ളക്കെട്ട് രൂപപ്പെട്ടു.