മലപ്പുറം: പെരിന്തല്‍മണ്ണയില്‍ നഴ്‌സിങ് വിദ്യാര്‍ഥിക്ക് നോറോ വൈറസ് ബാധ സ്ഥിരീകരിച്ചു. അല്‍ശിഫ പാരാമെഡിക്കല്‍ നഴ്‌സിങ് ഹോസ്റ്റലിലെ വിദ്യാര്‍ഥിക്കാണ് വൈറസ് ബാധ സ്ഥിരീകരിച്ചത്. ഇതേതുടര്‍ന്ന് ഹോസ്റ്റലിലെ മറ്റ് 55 വിദ്യാര്‍ഥികളെ നിരീക്ഷണത്തിലാക്കി.
കഴിഞ്ഞദിവസം വയനാട്ടില്‍ നോറോ വൈറസ് സ്ഥിരീകരിച്ചിരുന്നു. ലക്കിടി നവോദയ വിദ്യാലയത്തിലാണ് വൈറസ് ബാധ സ്ഥിരീകരിച്ചത്. സ്‌കൂളിലെ 98 വിദ്യാര്‍ഥികള്‍ ചികിത്സ തേടിയിരുന്നു. കൊച്ചി കാക്കാട്ടെ സ്‌കൂളില്‍ ഒന്നാം ക്ലാസിലെ വിദ്യാര്‍ഥികള്‍ക്കും രോഗം സ്ഥിരീകരിച്ചിരുന്നു. ജില്ലാ ആരോഗ്യവകുപ്പ് പ്രതിരോധ നടപടികള്‍ ആരംഭിച്ചു.