കേന്ദ്ര സര്‍ക്കാരിന് എതിരായ അവിശ്വാസ പ്രമേയത്തിന് പ്രധാനമന്ത്രി നരേന്ദ്ര മോദി ഇന്ന് മറുപടി പറയും. വൈകിട്ട് 4 മണിക്കാണ് ലോക്‌സഭയില്‍ പ്രധാനമന്ത്രിയുടെ മറുപടി പ്രസംഗം.സര്‍ക്കാരിന് കൃത്യമായ ഭൂരിപക്ഷം ഉള്ളതിനാല്‍ അവിശ്വാസ പ്രമേയം പരാജയപ്പെടുമെന്ന് ഉറപ്പാണെങ്കിലും പ്രധാനമന്ത്രിയെക്കൊണ്ട് മറുപടി പറയിക്കുക എന്നതാണ് പ്രതിപക്ഷം ലക്ഷ്യമിട്ടത് പ്രധാനമന്ത്രി നരേന്ദ്രമോദി ഇത് രണ്ടാം തവണയാണ് അവിശ്വാസ പ്രമേയത്തെ നേരിടുന്നത്. ആന്ധ്രപ്രദേശിന് പ്രത്യേക പദവി നല്‍കുന്നതുമായി ബന്ധപ്പെട്ടായിരുന്നു 2018 ൽ ആദ്യത്തെ അവിശ്വാസ പ്രമേയം.വിശ്വാസ പ്രമേയം പരാജയപ്പെട്ടാലും വിഷയം ഉയര്‍ത്തി ശക്തമായ പ്രതിപക്ഷം രാജ്യത്ത് ഉണ്ട് എന്ന് ബോധ്യപ്പെടുത്തലാണ് ‘ഇന്ത്യ’ കൂട്ടായ്മ ലക്ഷ്യമിടുന്നത്