നോയിഡ: ഉത്തര്‍പ്രദേശിലെ നോയിഡയില്‍ പൊലീസുമായുണ്ടായ ഏറ്റുമുട്ടലില്‍ ഒരാള്‍ കൊല്ലപ്പെട്ടു. കുപ്രസിദ്ധ കുറ്റവാളിയായ ശ്രാവണ്‍ (30) ആണ് കൊല്ലപ്പെട്ടത്. ഏറ്റുമുട്ടലില്‍ മൂന്ന് പൊലീസുകാര്‍ക്ക് പരിക്കേറ്റു. നോയിഡയിലെ പര്‍ത്താല ചൗക്കിലാണ് ഏറ്റുമുട്ടലുണ്ടായത്. ശ്രാവണും കൂട്ടാളികളും ഒളിച്ചിരിക്കുന്നുണ്ടെന്ന് വിവരം കിട്ടിയതിനെ തുടര്‍ന്ന് പൊലീസ് ഈ പ്രദേശം വളയുകയായിരുന്നു. തുടര്‍ന്ന് നടന്ന ഏറ്റുമുട്ടലിലാണ് ശ്രാവണ്‍ കൊല്ലപ്പെട്ടത്.
ഇയാളുടെ തലക്ക് പൊലീസ് ഒരു ലക്ഷം രൂപ ഇനാം പ്രഖ്യാപിച്ചിരുന്നു. കൊലപാതം, തട്ടിക്കൊണ്ടുപോകല്‍, കൊലപാതകശ്രമം, വാഹനമോഷണം തുടങ്ങിയ കേസുകളില്‍ പ്രതിയാണിയാള്‍. ഇയാളുടെ പേരില്‍ 12 ക്രിമിനല്‍ കേസുകള്‍ നിലവിലുണ്ട്.