ഹരിപ്പാട്: യുവ കരസേന ഉദ്യോഗസ്ഥന്‍ കുഴഞ്ഞ് വീണ് മരിച്ചു.ഹരിപ്പാട് വെട്ടുവേനി ലതികാഭവനില്‍ ഹരിദാസന്‍ പിള്ളയുടെയും ശ്രീലതയുടെയും മകന്‍ എച്ച്‌. ശ്രീജിത്താണ് (28) മരിച്ചത്. ഞായറാഴ്ച്ച രാവിലെ എട്ട് മണിയോടെയായിരുന്നു സംഭവം. ഹരിപ്പാട് മൂടയില്‍ ശ്രീകൃഷ്ണസ്വാമി ക്ഷേത്രത്തില്‍ തൈപ്പൂയ കാവടി കാണുന്നതിന് ബൈക്കിലെത്തിയ ശ്രീജിത് ദേഹാസ്വാസ്ഥ്യംഅനുഭവപ്പെട്ടതിനെ തുടര്‍ന്ന് തിരികെ വീട്ടിലെത്തി വെള്ളം കുടിക്കുന്നതിനിടയില്‍ കുഴഞ്ഞു വീഴുകയായിരുന്നു.
ഉടന്‍ തന്നെ ഹരിപ്പാട് താലൂക്ക് ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. ശ്രീനഗറില്‍ ബദാമി ബാഗ് കണ്‍ടോന്‍ മെന്‍റ് 92 ബേസ് ആശുപത്രിയില്‍ ക്ലര്‍ക്കായിരുന്ന ശ്രീജിത്ത് 45 ദിവസത്തെ അവധിക്കായി കഴിഞ്ഞ 15 നാണ് നാട്ടിലെത്തിയത്. ഭാര്യ: ശ്രുതി വി.കുമാര്‍ . സംസ്കാരം പിന്നീട്.