പട്‌ന: ബിഹാര്‍ മുഖ്യമന്ത്രിയായി വീണ്ടും അധികാരമേറ്റ ജെഡിയു നേതാവ് നിതീഷ്‌കുമാര്‍ നിയമസഭയില്‍ വിശ്വാസവോട്ടെടുപ്പ് നേടി. 131 അംഗങ്ങള്‍ നിതീഷ്‌കുമാറിനെ പിന്തുണച്ചു.
243 അംഗ നിയമസഭയില്‍ ഭൂരിപക്ഷം തെളിയിക്കുന്നതിന് 122 എംഎല്‍എമാരുടെ പിന്തുണയാണ് വേണ്ടിയിരുന്നത്. നിതീഷ്‌കുമാറിന്റെ കൂറുമാറ്റത്തില്‍ രൂപംകൊണ്ട പുതിയ ജെഡിയു-ബിജെപി സഖ്യത്തിന് 132 പേരുടെ പിന്തുണയുണ്ടെന്നായിരുന്നു റിപ്പോര്‍ട്ടുകള്‍. എന്നാല്‍ 131 അംഗങ്ങളാണ് നിതീഷിനെ പിന്തുണച്ചത്.
മഹാസഖ്യത്തിന് പിന്തുണ പിന്‍വലിച്ച് എന്‍ഡിഎ പിന്തുണയോടെ ഇന്നലെയാണ് നിതീഷ്‌കുമാര്‍ ബിഹാര്‍ മുഖ്യമന്ത്രിയായി സത്യപ്രതിജ്ഞ ചെയ്തത്. ജെഡിയുവില്‍ ഭിന്നത രൂക്ഷമായ സാഹചര്യത്തില്‍ നിതീഷിന് വിശ്വാസവോട്ടെടുപ്പില്‍ വിജയിക്കാനാകുമോയെന്നായിരുന്നു എല്ലാവരും ഉറ്റുനോക്കിയിരുന്നത്.