ചെറിയ സമ്മര്‍ദമുണ്ടാകുമ്പോഴേക്കും കാലുമാറുന്നയാളാണ് നിതീഷ് കുമാറെന്ന് കോണ്‍ഗ്രസ് നേതാവ് രാഹുല്‍ ഗാന്ധി. കോണ്‍ഗ്രസ് ജാതിസര്‍വേയെന്ന ആവശ്യം ഉയര്‍ത്തിയതിന് പിന്നാലെയാണ് നിതീഷിന്റെ മാറ്റം. ജാതി സെന്‍സസ് അനിവാര്യമെന്നും രാഹുല്‍ ബിഹാറില്‍ പറഞ്ഞു.
ഭാരത് ജോഡോ ന്യായ് യാത്രക്കിടെ പൂര്‍ണിയയില്‍ നടന്ന മഹാറാലിയിലാണ് രാഹുല്‍ ഗാന്ധി നിതീഷിനെതിരെ കഥയുടെ രൂപത്തില്‍ വിമര്‍ശനം ഉന്നയിച്ചത്. എന്‍.ഡി.എ പ്രവേശനത്തിനു നിതീഷിന് മേല്‍ സമ്മര്‍ദമുണ്ടായിരുന്നു. സാമൂഹ്യ നീതിക്കായുള്ള പോരാട്ടത്തില്‍ നിതീഷിന്റെ ആവശ്യമില്ലെന്നും രാഹുല്‍ പറഞ്ഞു.
രാജ്യത്തെ വലിയ വിഭാഗമായ ഒബിസിക്ക് അര്‍ഹമായ പ്രാതിനിധ്യം ലഭിക്കുന്നില്ല. എല്ലാവര്‍ക്കും നീതി ലഭിക്കണമെങ്കില്‍ കൃത്യമായ കണക്കുകള്‍ വേണം. ജാതി സെന്‍സസ് മാത്രമാണ് ഇതിന് പരിഹാരമെന്നും രാഹുല്‍ ഗാന്ധി പറഞ്ഞു
ഇന്ത്യ മുന്നണിയിലെ ആര്‍ജെഡി, സിപിഎം, സിപിഐ നേതാക്കള്‍ റാലിയില്‍ പങ്കെടുത്തു. പൂര്‍ണിയയില്‍ രാഹുല്‍ കര്‍ഷമാരുമായി ചര്‍ച്ചനടത്തി. യാത്ര നാളെ വീണ്ടും ബംഗാളിലേക്ക് കടക്കും.