വ്യാജ ബിരുദ സര്‍ട്ടിഫിക്കറ്റ് വിവാദത്തില്‍ പെട്ട നിഖില്‍ തോമസിന്റെ എം.കോം രജിസ്‌ട്രേഷന്‍ റദ്ദാക്കി. കേരള സര്‍വകലാശാല നിഖിലിന് നല്‍കിയ തുല്യത സര്‍ട്ടിഫിക്കറ്റും റദ്ദാക്കിയിട്ടുണ്ട്. നിഖിലിന്റെ ബിരുദ സര്‍ട്ടിഫിറ്റ് വ്യാജമാണെന്ന് കലിംഗ സര്‍വകലാശാല കേരള സര്‍വകലാശാലക്ക് ഔദ്യോഗികമായി തന്നെ മറുപടി നല്‍കി. സംഭവത്തില്‍ കര്‍ശന നടപടി വേണമെന്നും ആവശ്യപ്പെടുകയും ചെയ്തു. ഇതോടെയാണ് നിഖിലിന്റെ എം.കോം രജിസ്‌ട്രേഷന്‍ റദ്ദാക്കിയത്.
നിഖിലിനെ കണ്ടെത്താനായി പൊലീസ് പ്രത്യേക സംഘത്തെ നിയോഗിച്ചിട്ടുണ്ട്. നിഖില്‍ തോമസ് ഒളിവിലാണെന്ന് പൊലീസ് പറയുന്നു. ഇയാളുടെ ഫോണ്‍ സ്വിച്ച് ഓഫ് ചെയ്ത നിലയിലാണ്. തിങ്കളാഴ്ച തിരുവനന്തപുരത്താണാണ് അവസാന ലേക്കേഷന്‍ കണ്ടെത്തിയത്.