കേരളത്തിലേക്ക് ലഹരി കടത്തുന്ന സംഘത്തിലെ പ്രധാന കണ്ണി പിടിയില്‍. നൈജീരിയന്‍ പൗരനായ ചാള്‍സ് ഡുഫോള്‍ഡിലിനെയാണ് കോഴിക്കോട് നടക്കാവ് പൊലീസ് ബംഗളൂരുവില്‍ നിന്ന് അറസ്റ്റ് ചെയ്തത്. 55 ഗ്രാം എംഡിഎംഎയും ഇയാളില്‍ നിന്ന് പിടിച്ചെടുത്തു. കോഴിക്കോട് മയക്കുമരുന്നുമായി അറസ്റ്റ് ചെയ്യപ്പെട്ടവരുടെ ഉറവിടം തേടിയുള്ള അന്വേഷണമാണ് നൈജീരിയന്‍ പൗരനിലേക്കെത്തിയത്.
ബംഗളൂരുവില്‍ വാഹനത്തിലെത്തി മയക്കുമരുന്ന് വില്‍ക്കുന്നതിനിടെയാണ് ചാള്‍സിനെ പൊലീസ് പിടികൂടുന്നത്. നേരെത്തെ 400 ഗ്രാം എംഡിഎംഎയുമായി കര്‍ണാടക പൊലീസ് പിടികൂടിയതിനെ ഇയാള്‍ ജയില്‍ശിക്ഷ അനുഭവിച്ചിരുന്നുവെന്നും പൊലീസ് പറയുന്നു.