ഇന്ത്യയില്‍ നിന്നുള്ള പഴം പച്ചക്കറിള്‍ക്ക് കുവൈത്ത് ഇറക്കുമതി നിരോധനം ഏര്‍പ്പെടുത്തി. നിപ വൈറസ് ബാധയുടെ പാശ്ചാത്തലത്തില്‍ മെയ് 31 മുതല്‍ ഇന്ത്യയില്‍ നിന്ന് ശീതീകരിച്ചതും അല്ലാത്തതുമായ പഴം, പച്ചക്കറി ഉല്‍പന്നങ്ങള്‍ കൊണ്ടുവരുന്നതിനാലാണ് വിലക്ക്.
നിപ വൈറസ് ബാധയുടെ പാശ്ചാത്തലത്തില്‍ കേരളത്തില്‍ നിന്നുള്ള പഴങ്ങള്‍ക്കും പച്ചക്കറി ഇനങ്ങള്‍ക്കും കഴിഞ്ഞാഴ്ച മുതല്‍ കുവൈത്ത്, യു.എ.ഇ, ബഹറൈന്‍ എന്നീ രാജ്യങ്ങളില്‍ അപ്രഖ്യാപിത വിലക്കുണ്ടായിരുന്നു. വിമാനക്കമ്പനികളുടെ കാര്‍ഗോ ഡിവിഷനുകള്‍ക്ക് ഇന്റേണല്‍ സര്‍ക്കുലര്‍ അയച്ചായിരുന്നു വിലക്ക് നടപ്പാക്കിയിരുന്നത്. ഇന്നാണ് കുവൈത്ത ഇത് സംബന്ധിച്ച ഔദ്യോഗിക ഉത്തരവിറങ്ങിയത്. വാണിജ്യ മന്ത്രാലയത്തിന്റെ നിര്‍ദ്ദേശ പ്രകാരം പബ്ലിക് അതോറിറ്റി ഫോര്‍ ഫൂട്ട് ആന്‍ഡ് ന്യൂട്രീഷന്‍ ആണ് ഇത് സംബന്ധിച്ച സര്‍ക്കുലര്‍ ഇറക്കിയത്.