ഒരു കളിയല്ലേ കഴിഞ്ഞുള്ളൂ ഇനിയും കളിയുണ്ട് അര്‍ജന്റീന തിരിച്ചുവരും എന്ന് കണ്ണ് നിറഞ്ഞു പറഞ്ഞ കുട്ടി ആരാധകന്‍ നിബ്രാസിപ്പോള്‍ സ്വന്തം ടീമിന്റെ വിജയത്തില്‍ സന്തോഷത്തിലാണ്.
അതിലുപരി ഇരട്ടിമധുരം നല്‍കാന്‍ മറ്റൊരു വാര്‍ത്തയും ഉണ്ട്. അര്‍ജന്റീനയുടെ രണ്ടാം മത്സരത്തില്‍ മെസ്സി രണ്ടു ഗോള്‍ അടിച്ചതും അതോടൊപ്പം കുട്ടി ആരാധകന്റെ കളിപ്രാന്ത് കണ്ട് മത്സരം കാണാനുള്ള ടിക്കറ്റും ഫ്‌ളൈറ്റ് ടിക്കറ്റ് അടക്കം സൗജന്യമായി നല്‍കാമെന്ന് സ്മാര്‍ട്ട് ട്രാവല്‍സ് എന്ന ട്രാവല്‍ ഏജന്‍സി അറിയിചിരിക്കുകയാണ്.
ആദ്യമത്സരത്തിലെ തോല്‍വിക്ക് പിന്നാലെ സങ്കടപ്പെട്ട് നിന്ന് നിബ്രാസിന്റെ വീഡിയോ സമൂഹ മാധ്യമങ്ങളില്‍ വൈറലായിരുന്നു. മത്സരമ നേരില്‍ കാണാന്‍ പോകുന്നതില്‍ നിബ്രാസിന്റെ മുഖത്ത് പുഞ്ചിരി വിടരുന്നതിന്റെ സന്തോഷത്തില്‍ കൂടിയാണ് കേരളത്തിലെ അര്‍ജന്റീന ആരാധകര്‍.