ഋഷബ് ഷെട്ടിയുടെ കാന്താരയിലെ വരാഹരൂപം എന്ന ഗാനം ചിത്രത്തില്‍ ഉപയോഗിക്കാന്‍ ഏര്‍പ്പെടുത്തിയ വിലക്ക് കോടതി പിന്‍വലിച്ചു.ഗാനം കോപ്പിയടിയാണെന്ന് ആരോപി ച്ച് മ്യൂസിക് ബാന്‍ഡ് തൈക്കുടം ബ്രിഡ്ജ് നല്‍കിയ ഹര്‍ജി തള്ളിയാണ് കോഴിക്കോട് ജില്ല കോടതി അനുമതി നല്‍കിയത്.വിഷയത്തില്‍ അധികാരപരിധി ഇല്ലെന്ന് ചൂണ്ടിക്കാട്ടിയാണ് കോടതി ഹര്‍ജി തള്ളിയത്.
വരാഹ രൂപം ഗാനം രചിച്ച ശശിരാജ് കാവൂരാണ് ഇത് സംബന്ധിച്ച വിവരം ഫേസ്ബുക്കിലൂടെ ആരാധകരെ അറിയിച്ചത്.വരാഹരൂപം ഇല്ലാതെയാണ് കഴിഞ്ഞ ദിവസം കാന്താര ഒടിടിയില്‍ റിലീസ് ചെയ്തത്. ഇതിന് പിന്നാലെ ചിത്രത്തിന്റെ ആത്മാവ് നഷ്ടപ്പെട്ടു എന്നുള്‍പ്പെടെ ചൂണ്ടിക്കാട്ടി ആരാധകര്‍ രംഗത്ത് വന്നിരുന്നു.