കാഞ്ഞങ്ങാട്: പുതിയ കോട്ട ടി.ബി. റോഡ് ജങ്ഷന് സമീപത്തെ പള്ളിക്ക് മുന്നില്‍നിന്ന് യുവാവിനെ തട്ടിക്കൊണ്ടുപോയി പണം കവര്‍ന്നു.സംഭവവുമായി ബന്ധപ്പെട്ട് എട്ട് പേര്‍ക്കെതിരെ ഹോസ്ദുര്‍ഗ് പൊലീസ് കേസെടുത്തു. പുഞ്ചാവി സ്വദേശിയായ ചിമ്മാനത്ത് അബൂബക്കര്‍ സിദ്ദീഖിനെയാണ് (45) കഴിഞ്ഞ ദിവസം രാത്രി തട്ടിക്കൊണ്ടുപോയത്.
പള്ളിക്ക് സമീപത്ത് റോഡില്‍ നില്‍ക്കുകയായിരുന്ന യുവാവിനെ സംഘം കാറില്‍ തട്ടിക്കൊണ്ടുപോവുകയായിരുന്നു.കാറില്‍ തടങ്കലില്‍ വെച്ചശേഷം പതിനേഴായിരം രൂപ തട്ടിയെടുത്തതായാണ് പരാതി.തുടര്‍ന്ന് രാത്രിയാണ് യുവാവ് പൊലീസില്‍ പരാതി നല്‍കിയത്. സംഘത്തിനെതിരെ പൊലീസ് അന്വേഷണമാരംഭിച്ചു. അന്‍വര്‍, ഹാഷിം അഷ്‌റഫ്, തിരിച്ചറിയാനാകാത്ത അഞ്ച്‌പേര്‍ ഉള്‍പ്പെടെയുള്ളവരാണ് പ്രതികളെന്ന് പൊലീസ് പറഞ്ഞു.