ഹരിപ്പാട്: സ്റ്റുഡിയോയില്‍ മോഷണം നടത്തിയ അന്തര്‍സംസ്ഥാന തൊഴിലാളി പിടിയില്‍. ബംഗാള്‍ സ്വദേശി അലോക് കുമാറാണ് (38) പിടിയിലായത്.എഴിക്കകത്ത് ജങ്ഷന് സമീപത്തെ മനോവിഷന്‍ സ്റ്റുഡിയോയില്‍ പുലര്‍ച്ചയായിരുന്നു മോഷണം.
ജീവനക്കാരന്‍ ഗ്ലാസ് ഡോര്‍ പൂട്ടിയശേഷം ഉറങ്ങുമ്പോള്‍ വാതില്‍ കുത്തിത്തുറന്ന് അകത്തു കയറി സ്മാര്‍ട്ട് ഫോണും കാമറ ബാഗും മോഷ്ടിക്കുകയായിരുന്നു. പൊലീസ് സമീപത്തെ വ്യാപാരസ്ഥാപനങ്ങളിലെ സി.സി ടി.വി പരിശോധിച്ച് പ്രതിയെ പിടികൂടുകയായിരുന്നു.കുറച്ചു വര്‍ഷങ്ങളായി ഹരിപ്പാടും പരിസരപ്രദേശങ്ങളിലും വിവിധ ജോലികള്‍ ചെയ്ത് വരികയായിരുന്നു പ്രതി.