കേരളം ക്രിസ്മസ്-പുതുവത്സരാഘോഷങ്ങള്‍ക്കായി കുടിച്ചത് 686.28 കോടിയുടെ മദ്യം. 10 ദിവസത്തെ കണക്ക് പ്രകാരമാണിത്.കഴിഞ്ഞ വര്‍ഷം ഈ കാലയളവിലെ 10 ദിവസത്തെ വില്‍പന 649.32 കോടിയായിരുന്നു. പുതുവത്സരത്തലേന്ന് മാത്രം 107.14 കോടി രൂപയുടെ മദ്യം വിറ്റു. 2022 ലെ പുതുവത്സരത്തലേന്ന് 95.67 കോടിയായിരുന്നു വില്‍പന.തിരുവനന്തപുരം പവര്‍ ഹൗസ് റോഡിലെ ഔട്ട്‍ലെറ്റിലായിരുന്നു ഇക്കുറി കൂടുതല്‍ വില്‍പന (1.12 കോടി). കൊല്ലം ആശ്രാമം ഔട്ട്‍ലെറ്റില്‍ 96.59 ലക്ഷം രൂപയുടെ മദ്യം പുതുവര്‍ഷത്തലേന്ന് വിറ്റു.
കാസര്‍കോട് ബട്ടത്തൂരിലാണ് കുറവ് വില്‍പന (10.36 ലക്ഷം). ഡിസംബര്‍ 31ന് സംസ്ഥാനത്തെ എല്ലാ ഔട്ട്‍ലെറ്റുകളിലും 10 ലക്ഷം രൂപക്കുമുകളില്‍ മദ്യം വിറ്റു. മദ്യത്തിന് രണ്ടു ശതമാനം വില കൂടിയ ശേഷമുള്ള ആദ്യ ഉത്സവ സീസണായിരുന്നു .