തൃശൂര്‍ ജനവാസമേഖലയില്‍ പുലി കൊന്നുവെന്ന് സംശയിക്കുന്ന രീതിയില്‍ മാനിന്റെ ജഡം കണ്ടെത്തി. ഒണലപ്പറമ്പ് മലയാളം തോട്ടത്തിനടുത്തുള്ള റോഡിലാണ് മാനിന്റെ ജഡം കണ്ടെത്തിയത്. വനം വകുപ്പ് ഉദ്യോഗസ്ഥര്‍ സ്ഥലത്തെത്തി പരിശോധന നടത്തി. രാവിലെയാംണ് പ്രദേശവാസികള്‍ ജഡം കണ്ടെത്തിയത്. മാനിന്റെ പിന്‍ഭാഗത്തെ ഇറച്ചി കഴിച്ച നിലയിലായിരുന്നു. ഇത് പുലി കടിച്ചെടുത്ത നിലയിലായിരുന്നു. ഇത് പുലിയുടെ ആക്രമണത്തില്‍ സംഭവിച്ചതായാണ് എന്നാണ് നാട്ടുകാര്‍ പറയുന്നത്.
കോടാലി പ്രദേശത്ത് കഴിഞ്ഞ ദിവസങ്ങളില്‍ പുലി ഇറങ്ങിയിരുന്നു. ഇതേ പുലി തന്നെയായിരിക്കാം മാനിനെ കൊലപ്പെടുത്തിയതെന്നാണ് നാട്ടുകാരുടെ വാദം. അവിടെ നിന്ന് വളര്‍ത്തുമൃഗങ്ങളെ പുലി കടിച്ചുകൊണ്ടുപോയിരുന്നതായും നാട്ടുകാര്‍ പറയുന്നു. ഇതിന് മുന്‍പും പാലപ്പിള്ളിയില്‍ പുലി ഭീതിയില്‍ സൃഷ്ടിച്ചിരുന്നു. ആ ദിവസങ്ങളില്‍ ഒരു പശുവിനെയും രണ്ടുമാനുകളെയും പുലി കടിച്ചു കൊലപ്പെടുത്തിയിരുന്നതായി നാട്ടുകാര്‍ പറഞ്ഞു. പുലിയെ പിടികൂടാനുള്ള അടിയന്തര നടപടികള്‍ വനം വകുപ്പിന്റെ ഭാഗത്തുനിന്ന് ഉണ്ടാകണമെന്നതാണ് നാട്ടുകാരുടെ ആവശ്യം.