മാഞ്ചസ്റ്റര്‍ യുണൈറ്റഡ് വിട്ട് സൗദി അറേബ്യയിലെ അല്‍ നസ്ര്‍ ക്ലബിലേക്ക് മാറിയ പോര്‍ച്ചുഗീസ് താരം ക്രിസ്റ്റിയനോ റൊണാള്‍ഡോക്ക് വ്യഴാഴ്ച്ച നടക്കുന്ന മത്സരത്തില്‍ ക്ലബിനായി കളിക്കാനാവില്ല. താരത്തിന്റെ അറങ്ങേറ്റത്തിനായി കാത്തിരിക്കുന്ന ആരാധകരെ നിരാശരാക്കിക്കൊണ്ടാണ് വാര്‍ത്ത പുറത്തുവന്നത്. മാഞ്ചസ്റ്റര്‍ യുണൈറ്റഡിന് വേണ്ടി കളിക്കുമ്പോള്‍ ഫുഡ്‌ബോള്‍ അസോസിയേഷന്‍ ഏര്‍പ്പെടുത്തിയ വിലക്കാണ് താരത്തിന് തിരിച്ചടിയാവുക. മോശമായ പെരുമാറ്റത്തിനാണ് റൊണാള്‍ഡോയെ ലോകകപ്പിന് മുമ്പ് നവംബറിലാണ് ഫുട്‌ബോള്‍ അസോസിയേഷന്‍ സസ്‌പെന്‍ഡ് ചെയ്തത്.
ഇംഗ്ലീഷ് ക്ലബില്‍നിന്ന് പുറത്തായെങ്കിലും വിലക്ക് നിലനില്‍ക്കും. എന്നാല്‍ ലോകകപ്പില്‍ കളിക്കാന്‍ ഇത് തടസ്സമായുരുന്നില്ല. ഏപ്രില്‍ 9ന് ഗുഡിസണ്‍ പാര്‍ക്കില്‍ നടന്ന എവര്‍ട്ടണെതിരായ മത്സരത്തില്‍ മാഞ്ചസ്റ്റര്‍ തോറ്റ ശേഷമാണ് വിലക്കിനിടയാക്കിയ സംഭവമുണ്ടായത്.