ബാഴ്‌സലോണ: യുവതിയെ ലൈംഗികമായി പീഡിപ്പിച്ചെന്ന കേസില്‍ അറസ്റ്റിലായ ബ്രസീല്‍ ഡിഫന്‍ഡര്‍ ഡാനി ആല്‍വ്‌സിന് കുരുക്ക് മുറുകുന്നു.താരത്തിന് തിരിച്ചടിയാകുന്ന ഫോറന്‍സിക് റിപ്പോര്‍ട്ടാണ് കഴിഞ്ഞ ദിവസം പുറത്തുവന്നത്. ഇരയുടെ ശരീരത്തില്‍ ഡാനിയുടെ ബീജാംശങ്ങള്‍ കണ്ടെത്തിയിട്ടുണ്ടെന്നാണ് റിപ്പോര്‍ട്ടില്‍ പറയുന്നത്.
കഴിഞ്ഞ ദിവസം ബാഴ്‌സലോണ കോടതിയിലാണ് ഫോറന്‍സിക് റിപ്പോര്‍ട്ട് സമര്‍പ്പിച്ചത്. ലൈംഗികാതിക്രമം സ്ഥിരീകരിക്കുന്ന തരത്തിലാണ് റിപ്പോര്‍ട്ടുള്ളത്. ഇരയുടെ ശരീരത്തിനു പുറമെ വസ്ത്രത്തിലും സംഭവം നടന്ന നിശാക്ലബിന്റെ ടോയ്‌ലെറ്റിലും ഡാനി ആല്‍വ്‌സിന്റെ ബീജാംശങ്ങള്‍ കണ്ടെത്തിയിട്ടുണ്ട്. ഇരയുടെയും നിശാക്ലബിലെയും സാംപിളുകളും താരത്തിന്റെ ഡി.എന്‍.എയും പരിശോധിച്ച ശേഷമാണ് ഫോറന്‍സിക് സംഘം റിപ്പോര്‍ട്ട് തയാറാക്കിയത്.