മെല്‍ബണ്‍: ആസ്ട്രേലിയന് ഓപ്പണ്‍ വനിത ഡബ്ള്‍സില്‍ സാനിയ മിര്‍സ-അന്ന ഡാനിലിന സഖ്യം രണ്ടാം റൗണ്ടില്‍ പുറത്തായി.ഇന്തോ-കസാഖ് സഖ്യം 4-6, 6-4, 2-6 എന്ന സ്കോറിനാണ് ബെല്‍ജിയത്തിന്‍റെ അലിസണ്‍ വാന്‍ ഉയ്ത്വാങ്ക്, യുക്രെയ്നിന്‍റെ അന്‍ഹെലിന കലിനീന സഖ്യത്തോട് തോറ്റത്.
മിക്‌സ്ഡ് ഡബിള്‍സില്‍ സാനിയ-രോഹന്‍ ബൊപ്പണ്ണ സഖ്യം രണ്ടാം റൗണ്ടിലേക്ക് കടന്നിരുന്നു. സാനിയയുടെ കരിയറിലെ അവസാന ഗ്രാന്‍ഡ്സ്ലാം ടൂര്‍ണമെന്റാണിത്. ഫെബ്രുവരിയില്‍ ദുബൈയില്‍ നടക്കുന്ന ഡബ്ല്യു.ടി.എ ടൂര്‍ണമെന്റോടെ പ്രഫഷനല്‍ ടെന്നീസില്‍ നിന്ന് വിരമിക്കുമെന്ന് 36കാരിയായ സാനിയ വ്യക്തമാക്കിയിരുന്നു.