ബ്രസീല്‍ – ആഴ്സണല്‍ ഫോര്‍വേഡ് ആയ ഗബ്രിയേല്‍ മാര്‍ട്ടിനെല്ലിയുടെ പ്രകടനങ്ങള്‍ ബാഴ്സലോണ പരിശോധിക്കുന്നതായി റിപ്പോര്‍ട്ട്.ഇതിനു വേണ്ടി കറ്റാലന്‍ ക്ലബ് ഒരു സ്‌കൗട്ടിനെ ഖത്തറിലേക്ക് അയച്ചിട്ടുണ്ട്.
2022-23 കാമ്പൈയ്നില്‍ ആഴ്‌സണലിന് വേണ്ടി താരം മികച്ച ഫോം ആണ് കാഴ്ച്ചവെക്കുന്നത്.20 മത്സരങ്ങളില്‍ നിന്ന് അഞ്ച് ഗോളുകളും രണ്ട് അസിസ്റ്റുകളും ആണ് സീസണിലെ താരത്തിന്റെ ഇതുവരെയുള്ള സമ്ബാദ്യം.
സ്പോര്‍ട് നല്‍കിയ റിപ്പോര്‍ട്ട് അനുസരിച്ച് ബ്രസീലിയന്‍ താരത്തിനെ സൈന്‍ ചെയ്യാന്‍ ക്ലബ് മാനേജ്‌മെന്റിലെ പലരും ആഗ്രഹിക്കുന്നുണ്ട്.
താരം ഒപ്പിട്ട ആഴ്സണലിലെ കരാര്‍ പൂര്‍ത്തിയാവാന്‍ ഇനിയും പതിനെട്ടു മാസം കൂടിയുണ്ട്.ക്ലബില്‍ തുടരാന്‍ അദ്ദേഹം ആഗ്രഹിക്കുന്നുണ്ട് എങ്കിലും ഇരു കൂട്ടരും തമ്മില്‍ ഉള്ള ചര്‍ച്ച ഇതുവരെ എവിടെയും എത്തിയിട്ടില്ല.