ജര്‍മ്മന്‍ ടീമിന് 10000 സ്വിസ് ഫ്രാങ്ക് അതായത് ഇന്ത്യന്‍ തുക ഏകദേശം എട്ടര ലക്ഷത്തോളം രൂപ പിഴയിട്ട് ഫിഫ. സ്‌പെയിനിനെതിരായ മത്സരത്തിന് മുന്നോടിയായുള്ള വാര്‍ത്ത സമ്മേളനത്തിന് കളിക്കാരനെ അയക്കാതത്തിനാണ് ഫിഫയുടെ ശിക്ഷ നടപടി. പരിശീലനൊപ്പം ഏതെങ്കിലും ഒരു കളിക്കാരനും വാര്‍ത്താസമ്മേളനത്തില്‍ എത്തണമെന്നാണ് ചട്ടം. എന്നാല്‍ പരിശീലകന്‍ ഹാന്‍സ് ഫ്‌ലിക്ക് തനിച്ചാണ് എത്തിയത്. ഇതിനെതിരെയാണ് ഫിഫ പിഴ നിശ്ചയിച്ചത്.
നേരത്തെ ജപ്പാന്‍ എതിരായ മത്സരത്തിന് ഇറങ്ങും മുമ്പുള്ള ഫോട്ടോ സെഷനില്‍ വായ്മൂടി ജര്‍മന്‍ താരങ്ങള്‍ പ്രതിഷേധിച്ചിരുന്നു. എല്‍ ജി ബി ടി ക്യു സമൂഹത്തോടുള്ള ഖത്തറിന്റെ നിലപാടില്‍ പ്രതിഷേധിച്ച് വണ്‍ ലവ് എന്ന് രേഖപ്പെടുത്തിയ ആബന്‍ഡ് ധരിച്ച ലോകകപ്പില്‍ കളിക്കാനിറങ്ങുന്നത് വിലക്കിയ ഫിഫ നടപടിയിലുള്ള പ്രതിഷേധമായിരുന്നു ആ സംഭവം.