മറയൂര്‍: ട്രക്കിങ്ങിനിടെ ഇടുക്കി മറയൂര്‍ തൂവാനം വെള്ളച്ചാട്ടത്തില്‍ ഒഴുക്കില്‍പ്പെട്ട് കാണാതായ യുവാവിന്റെ മൃതദേഹം കണ്ടെത്തി.തമിഴ്‌നാട് സ്വദേശി വിശാലിന്റെ മൃതദേഹമാണ് കണ്ടെത്തിയത്.
യുവാവിനെ ഒഴുക്കില്‍പ്പെട്ട് കാണാതായി അഞ്ചാം ദിവസമാണ് തെരച്ചിലിനിടെ മൃതദേഹം കണ്ടെത്തിയത്. മറയൂരിലെ റിസോര്‍ട്ടില്‍ വിനോദസഞ്ചാരത്തിന് എത്തിയ യുവാക്കളുടെ സംഘം വെള്ളച്ചാട്ടത്തില്‍ ഇറങ്ങിയപ്പോഴാണ് ഒഴുക്കില്‍പ്പെട്ടത്. ചിന്നാര്‍ വനമേഖലയിലാണ് അപകടം നടന്ന തൂവാനം വെള്ളച്ചാട്ടം.