തൊടുപുഴ: പൂവന്‍ കോഴിയെ ലേലത്തിനു വച്ചപ്പോള്‍ പഞ്ചായത്ത് വൈസ് പ്രസിഡന്റ് നല്‍കിയ വില 13,300 രൂപ. 10 രൂപയില്‍ ആരംഭിച്ച ലേലം വിളിയിലാണ്‌ 13,300 രൂപയില്‍ അവസാനിച്ചത്.നെടുങ്കണ്ടം പഞ്ചായത്തിലെ പരിവര്‍ത്തനമേടില്‍ പ്രവര്‍ത്തിച്ചിരുന്ന ഒപിഎസ് എന്ന ക്ലബ് പുനരാരംഭിക്കാന്‍ സംഘടിപ്പിച്ച ലേലമാണ് റെക്കോര്‍ഡ് വിലയില്‍ എത്തിയത്.
നാട്ടുകാരനായ ആലുങ്കല്‍ ജോഷിയാണു കോഴിയെ ലേലത്തിനു വച്ചത്.
13,300 രൂപ നല്‍കി നെടുങ്കണ്ടം പഞ്ചായത്ത് വൈസ് പ്രസിഡന്റ് അജീഷ് മുതുകുന്നേലാണു പൂവന്‍ കോഴിയെ ലേലത്തില്‍ പിടിച്ചത്.