മുണ്ടക്കയം: പ്രായപൂര്‍ത്തിയാകാത്ത പെണ്‍കുട്ടിയെ ലൈംഗികമായി പീഡിപ്പിച്ച കേസില്‍ അമ്മയുടെ അച്ഛന് 28 വര്‍ഷം കഠിന തടവും 3.02 ലക്ഷം രൂപ പിഴയും ശിക്ഷ വിധിച്ചു കോടതി.മുണ്ടക്കയം സ്വദേശിയായ പന്ത്രണ്ടുകാരിയെ പീഡിപ്പിച്ച കേസിലാണു കോടതി ശിക്ഷ വിധിച്ചത്. പ്രതിയെ കോട്ടയം അഡീഷണല്‍ ജില്ലാ കോടതി-ഒന്ന് ജഡ്ജി കെ.എന്‍. സുജിത്ത് ശിക്ഷിച്ചത്.
2020 സെപ്റ്റംബര്‍ 19 മുതല്‍ 2020 ഒക്ടോബര്‍ 26 വരെയാണു കേസിനാസ്പദമായ സംഭവം നടന്നത്. അതിജീവിതയുടെ മാതാപിതാക്കള്‍ വിവാഹബന്ധം വേര്‍പ്പെടുത്തി പിരിഞ്ഞു കഴിയുകയായിരുന്നു. പെണ്‍കുട്ടിയും സഹോദരനും കോണ്‍വെന്‍റില്‍ നിന്നാണു പഠിച്ചിരുന്നത്. അവധിക്കാലത്ത് ഇരുവരും മാതാപിതാക്കളുടെ വീടുകളിലാണു കഴിഞ്ഞിരുന്നത്.2019 മുതലുള്ള അവധിക്കാലത്ത് വീട്ടില്‍ വന്നു നിന്നിരുന്നപ്പോഴാണു പെണ്‍കുട്ടിയെ പീഡിപ്പിച്ചത്. തുടര്‍ന്ന്, അമ്മ മുണ്ടക്കയം പോലീസില്‍ പരാതി നല്‍കുകയായിരുന്നു.