![](data:image/svg+xml;charset=utf-8,<svg height="462px" width="740px" xmlns="http://www.w3.org/2000/svg" version="1.1"/>)
പൗരത്വ നിയമ ഭേദഗതികള്‍ക്ക് എതിരായ ഹര്‍ജികള്‍ സുപ്രീം കോടതി ഇന്ന് പരിഗണിക്കും. നിയമം ചോദ്യം ചെയ്ത് നല്‍കിയ ഹര്‍ജികളില്‍ മുസ്ലിം ലീഗിന്റെ ഹര്‍ജി പ്രധാന ഹര്‍ജിയായി സുപ്രീം കോടതി കേള്‍ക്കും.അസം, ത്രിപുര സംസ്ഥാനങ്ങളില്‍ നിന്നുള്ള ഹര്‍ജികള്‍ പ്രത്യേകമായി കേള്‍ക്കാനും സുപ്രീം കോടതി തീരുമാനിച്ചു.
മുസ്ലിം ലീഗിന്റെ അഡ്വക്കേറ്റ് ഓണ്‍ റെക്കോര്‍ഡ് ആയ പല്ലവി പ്രതാപിനെ ഹര്‍ജിക്കാരുടെ നോഡല്‍ ഓഫീസറായും എതിര്‍കക്ഷികളുടെ നോഡല്‍ ഓഫീസറായി അഭിഭാഷകന്‍ കാനു അഗര്‍വാളിനെയും കോടതി നിയമിച്ചിരുന്നു. കേസിലെ വാദം കേള്‍ക്കല്‍ സുഗമമാക്കാനാണ് ഇത്തരം ഒരു ക്രമീകരണം.
പൗരത്വ നിയമ ഭേദഗതിക്കെതിരെ ഇരുന്നൂറോളം ഹര്‍ജികളാണ് സുപ്രീം കോടതിക്ക് മുന്നില്‍ എത്തിയത്. ഇതില്‍ അമ്ബത് ഹര്‍ജികള്‍ അസമില്‍ നിന്നും മൂന്ന് എണ്ണം ത്രിപുരയില്‍ നിന്നുമാണ്.
