സംസ്ഥാന സ്‌കൂള്‍ കലോത്സവത്തിന്റെ മീഡിയ റൂം ഉദ്ഘാടനം വിദ്യാഭ്യാസ വകുപ്പ് മന്ത്രി വി ശിവന്‍കുട്ടി, പൊതുമരാമത്ത് വകുപ്പ് മന്ത്രി പി.എ മുഹമ്മദ് റിയാസ് എന്നിവര്‍ ചേര്‍ന്ന് നിര്‍വ്വഹിച്ചു. കലോത്സവത്തിന്റെ പ്രധാന വേദിയായ വിക്രം മൈതാനിയിലാണ് മീഡിയ റൂം പ്രവര്‍ത്തിക്കുന്നത്. മറ്റ് പത്ര-ദൃശ്യ-ശ്രവണ മാധ്യമങ്ങളുടെയും സ്റ്റാളുകള്‍ മീഡിയ റൂമിന് സമീപത്താണ് ഒരുക്കിയത്.
ഇവിടെക്ക് വൈഫൈ സംവിധാനം ഉള്‍പ്പടെ ഏര്‍പ്പെടുത്തും.കലോത്സവം റിപ്പോര്‍ട്ട് ചെയ്യാനായി 1200 ലേറെ മാധ്യമ പ്രവര്‍ത്തകരുടെ സംഘമാണ് ഇത്തവണ കോഴിക്കോട്ടെക്ക് എത്തുന്നത്. ഇവര്‍ക്കെല്ലാം ഫോട്ടോ പതിച്ച തിരിച്ചറിയല്‍ കാര്‍ഡുകളുടെ വിതരണവും ആരംഭിച്ചു.ഉദ്ഘാടന ചടങ്ങില്‍ തോട്ടത്തില്‍ രവീന്ദ്രന്‍ എം എല്‍ എ,മീഡിയ കമ്മിറ്റി ചെയര്‍മാന്‍ ഫിറോസ്ഖാന്‍, കണ്‍വീനര്‍ എം റിയാസ്, ജോയിന്റ് ഡയറക്ടര്‍ സുരേഷ്, ആര്‍ ഡി ഡി അനില്‍, വൈസ് ചെയര്‍മാന്‍ ടി സുജന്‍, അനില്‍ എം ജോര്‍ജ്, പി രാധാകൃഷ്ണന്‍, അനില്‍കുമാര്‍, ഷിബു, അഫ്‌സല്‍, സനോജ്, മുജീബ് തുടങ്ങിയവരും മാധ്യമ പ്രവര്‍ത്തകരും പങ്കെടുത്തു.