പാവറട്ടി: പോക്സോ കേസില്‍ അധ്യാപകനെ അറസ്റ്റ് ചെയ്തു. വാഴപ്പിള്ളി വീട്ടില്‍ വിനോയ് (44) ആണ് അറസ്റ്റിലായത്.
വിദ്യാലയത്തിലെ മൂന്നാം ക്ലാസ് വിദ്യാര്‍ഥിനിയെ കഴിഞ്ഞ നവംബറില്‍ പീഡിപ്പിച്ചുവെന്നാണ് കേസ്. കുട്ടിയുടെ അമ്മയുടെ പരാതിയിലാണ് അറസ്റ്റ്.
കോടതിയില്‍ ഹാജരാക്കി റിമാന്‍ഡ് ചെയ്തു. ഇതിനുശേഷം രാത്രി 11.30ഓടെ അധ്യാപകന്റെ വീടിന് നേരെ ആക്രമണമുണ്ടായി. ജനല്‍ ചില്ല് ബൈക്കിലെത്തിയ ഒരാള്‍ തകര്‍ത്തതായി കാണിച്ച്‌ ബന്ധു നല്‍കിയ പരാതിയില്‍ പൊലീസ് കേസെടുത്തു.
അതേസമയം, അധ്യാപകന്‍ നിരപരാധിയാെണന്നും അധ്യാപകര്‍ക്കും വിദ്യാര്‍ഥികള്‍ക്കും രക്ഷിതാക്കള്‍ക്കും പ്രിയപ്പെട്ടവനാെണന്നും വെള്ളിയാഴ്ച സ്കൂളില്‍ ചേര്‍ന്ന പി.ടി.എ യോഗത്തില്‍ മുഴുവന്‍ അംഗങ്ങളും പറഞ്ഞു. അധ്യാപകനെ കുറ്റവിമുക്തനാക്കാന്‍ വേണ്ട നടപടികളെടുക്കണമെന്നാവശ്യപ്പെട്ട് ഉന്നത ഉദ്യോഗസ്ഥര്‍ക്ക് നിവേദനം നല്‍കാന്‍ പി.ടി.എ യോഗം തീരുമാനിച്ചു.