പാലക്കാട് : ഭാരതപ്പുഴയില്‍ കല്ലേക്കാട് സമീപം കുളിക്കാനിറങ്ങിയ രണ്ട് യുവാക്കള്‍ മുങ്ങിമരിച്ചു. കല്ലേക്കാട് സ്വദേശി ഹാഷിം (20), സേലം സ്വദേശി അന്‍സീര്‍ (19) എന്നിവരാണ് മരിച്ചത്.
ഒപ്പം ഉണ്ടായിരുന്ന ആള്‍ കാണാതായ വിവരം നാട്ടുകാരെ അറിയിക്കുകയായിരുന്നു. അഗ്‌നിശമനസേന എത്തി ഇരുവരെയും പുറത്തെടുത്തു ആശുപത്രിയിലെത്തിച്ചെങ്കിലും രക്ഷിക്കാനായില്ല.
അന്‍സീര്‍ ഓണത്തോടനുബന്ധിച്ച് ബന്ധുവീട്ടില്‍ എത്തിയതായിരുന്നു. ഇതിനിടെ കുളിക്കാന്‍ പോയപ്പോഴാണ് ദാരുണാന്ത്യം.