നവംബർ ഒന്നു മുതൽ 30 വരെ നടന്ന അംഗത്വ അമ്മയുടെ ഭാഗമായ നടപടിക്രമങ്ങൾ എല്ലാം ഇന്നലെ അർദ്ധരാത്രിയുടെ പൂർത്തിയായി. സമൂഹത്തിന്റെ വിവിധ തുറകളിലുള്ള ലക്ഷങ്ങളാണ് അഭിമാനപൂർവ്വം മുസ്ലിം ലീഗിൽ അംഗങ്ങൾ ആവുകയും അംഗത്വം പുതുക്കുകയും ചെയ്തത്. വളരെ ആവേശത്തോടെ ജനം ക്യാമ്പയിൻ ഏറ്റെടുക്കുകയും വാർഡ് കമ്മിറ്റികൾ സമയബന്ധിതമായി നടപടിക്രമങ്ങൾ പൂർത്തിയാക്കുകയും ചെയ്തു.
വിവരങ്ങൾ അപ്‌ലോഡ് ചെയ്യാനും ഫീസ് അടയ്ക്കാനും ഡിസംബർ 15 വരെയായിരുന്നു സമയം അനുവദിച്ചിരുന്നത്. ഗൃഹസമ്പർക്ക പരിപാടികളും സ്ക്വാഡ് പ്രവർത്തനങ്ങളുമായി വാർഡ് കമ്മിറ്റികളുടെ നേതൃത്വത്തിലാണ് അംഗത്വം ക്യാമ്പയിൻ നടന്നത്.പുതിയ അംഗങ്ങളെ ചേർക്കൽ,അംഗത്വം പുതുക്കൽ, സംസ്ഥാന കമ്മിറ്റി പ്രത്യേകം സജ്ജമാക്കിയ അപ്ലിക്കേഷനിൽ വിവരങ്ങൾ അപ്‌ലോഡ് ചെയ്യൽ, ഓൺലൈൻ വഴി അംഗത്വ ഫീസ് അടയ്ക്കൽ എന്നിങ്ങനെ വിവിധ ഘട്ടങ്ങളിലൂടെയാണ് ഓരോ വാർഡ് കമ്മിറ്റികളും അംഗത്വ ക്യാമ്പയിൻ പൂർത്തിയാക്കിയത്.
മെമ്പർഷിപ്പ് ക്യാമ്പയിൻ സമാപിക്കുന്നതുമായി ബന്ധപ്പെട്ട ഓൺലൈൻ അവലോകന യോഗത്തിൽ സംസ്ഥാന പ്രസിഡന്റ് പാണക്കാട് സയ്യിദ് സാദിഖലി ശിഹാബ് തങ്ങൾ അധ്യക്ഷത വഹിച്ചു.ദേശീയ ജനറൽ സെക്രട്ടറി പി കെ കുഞ്ഞാലിക്കുട്ടി, സംസ്ഥാന ജനറൽ സെക്രട്ടറി പി എം എ സലാം, വിവിധ ജില്ലകളിലെ തിരഞ്ഞെടുപ്പ് സമിതി അംഗങ്ങളായ സി എ എം എ കരീം, സിപി ബാവ ഹാജി, അബ്ദുറഹിമാൻ രണ്ടത്താണി, ബീമാപള്ളി റഷീദ്, സിപി ചെറിയ മുഹമ്മദ്, സി എം സാദിഖലി, കുറുക്കോളി മൊയ്തീൻ തുടങ്ങിയവരും സംബന്ധിച്ചു